Zaninah a hmawr bawk dawn

LE Rangva 3rd Mizoram Inter-Veng U21 Basketball Tournament 2024 chu zanin dar 7:30 hian Hawla Indoor Stadium, Republic Vengthlangah a hmawr an bawk dawn.

Nizan khan semifinal match pahnih khelh a ni a, match hmasa zawkah Mission Vengthlang leh Nursery veng inkhelin, a hnuhnung zawkah Ramhlun North leh Tuikual South an inkhel a, result kan hre hman lo. A chak zawk team pahnihin nomawi an inchuh ang.

Mizoram Inter-Veng U21 Basketball Tournament-ah hian champion hmasa ber Mission Veng (2022) leh season hmasa champion Khatla South te an tla tawh a, kuminah hian champion thar kan hmu dawn.

Inelna vawi thum neih tawh niin, champion nawn an la awm thei ngai lo tihna a ni a, veng pathum an champion chiah a ni.