Veteran Football : Ward No. IV an vanduai

GIG Motors Veteran Football Tournament 2024 group stage chu nimin khan khelh zawh a ni a, team pali Aizawl South III, Lengpui Veteran, Ward No. II leh Ward No. IX ten semifinal an lut.

Nimin khan match hmasa berah Ward No IV leh Ward No XI te an inkhel a, he result hi semifinal khel tur hril theitu a ni. Ward No. IV tan semifinal lut turin goal kuaa chak an mamawh a, first half-ah 8-0 in hma an hruai tawh.

Mahse, player pasarih chiaha khel Ward No. XI player pakhat a inhliam a, paruk chiah khel thei an awm tawh. Football danah player pasarih tal nih a ngaih avangin inkhelh tih tawp a ni a, Ward No. IV-in an goal mamawh zat goal kua an khung hman lo. S. Malsawmtluanga telna Ward No. IX an vanneih phah a, semifinal an lut.