Mumbai-ah Valpuia a cham dawn

Mizo defender Hmingthanmawia Ralte (Valpuia) chuan Mumbai City-ah cham chhunzawm zel a tum thu Vanglaini a hrilh a, Aizawl FC defender hlui hian hmun dang pan aiin, Mumbai-a hmun pawimawh chang tura beih zel a thlang.

Valpuia hian kum 2019 khan Mumbai City hi a zawm a, season hmasa khan I League club Punjab FC-ah loan-a khelin, champion nomawi a chawipui tawh - season zawnin Valpuia hi a champion tihna a ni.

Durtlang tlangval Valpuia chuan, "ISL nomawi chawi meuh chu a danglam a, season hmasa I League kan champion nen khan ka dah hlu khawp mai. Ka season hman danah pawh ka lawm tawk a, Mumbai-ah ka cham zel ang," tiin Vanglaini a hrilh a, Valpuia hian season khat atan contract a la nei.

Valpuia hian tun season ISL-ah match 12 a khel a, minute 655 khelmualah hun hmangin, ISL-a season hmasa pahniha a inlan zat belhkhawm aiin a tam zawk - a kum a la naupang a, chance a la nei chho dawn chauhin a lang.