ISL-ah sum an sem hnem!

Indian Super League-ah sum engemaw zat sem ral a ni a, Mumbai City chuan an champion avangin cheng nuai 600 an dawng. Champion zo ta lo Mohun Bagan pawhin nuai 300 an dawng a, Kolkata club hian league-ah table chung ber an luah avangin league winners' shield an dawng a, hei vang hian nuai 350 an dawng tawh bawk - nomawi chawi ta chiah lo mah se, nuai 650 an dawng tihna a ni a, champion Mumbai aiin nuai 50-in an dawng tam zawk.

Semifinal-a chak zo ta lo FC Goa leh Odisha te chuan nuai 150 ve ve an dawng a, Best Pitch (Jamshedpur FC), Best Grassroots (FC Goa) leh Best Elite Youth Program (Bengaluru FC) dawngtute chuan nuai 10 ṭheuh an dawng ve leh bawk.

Mimal chawimawia dawng zingah ISL Player of the League atana thlan, Mohun Bagan striker Dimitri Petratos chuan a dawng hnem ber a, ISL Golden Ball dawngtu hnenah hian cheng nuai nga pek a ni - Indian player ṭhangduang bera thlan Vikram Pratap Singh chuan cheng nuai li a dawng a, goal 13 khungtu, top scorer Dimitrios Diamantakos chuan nuai thum dawngin, goalkeeper ṭha ber Phurba Lachenpa chuan nuai 2.5 a dawng thung.