CYMA Cricket : Durtlang leh Chanmari inlan dawn

CYMA leh CAM buatsaih 12th Inter Branch Cricket Tournament quarterfinal chu vawiin aṭangin quarterfinal khelh a ni dawn. Chawhma dar 9:00-ah Durtlang leh Ainawn an inkhel ang a, chawhnubdar 1:00-ah Zotlang leh Chanmari an inkhel leh ang.

Durtlang hi inelna hnuhnung pathuma final lut thei an ni a, vawi nga ngawt final lut tawh an nih bakah an champion tawh. Cricket thiam veng an ni tih a chiang a, champion an harsat tel. Kuminah an thiampuipa K. Vanlalruata a tel tawh lo a, rawlthar rual hoin fiahna an hmachhawn dawn.

Durtlang khingpui tur Ainawn hi cricket khel thiam zinga mi ni an ni a, chutihrualin Durtlang elpha tur khawp tur chu an la ni lo. Zotlang leh Chanmari inkhel tur pawh a danglam tam lo a, Chanmari buk a rit zawk.

Chanmari hi vawi nga final an luh aṭanga vawi li champion thei an ni a, champion dan hria an ni. Mahse, 2013 hnuah final an luh tawh loh avangin champion hnem ber record chu Ramhlun Venglai lakah an chan. Kumin hi Chanmari tan RVL tlukpui theihna hun ṭha a ni.