India junior team-ah Mizo pahnih

India rama hockey thuneitu sang ber Hockey India chuan Junior Women’s Hockey Team a puang a, nimina player 22 a puan chhuah zingah hian Mizo pahnih Lalthantluangi leh PC Lalrinpuii te an tel.

India tana koh Hnahthial tleirawl Rinpuii leh Kanghmun tleirawl Tluangi te hi Thenzawl Hockey Training Center aṭanga inzir chhuak an ni. Thenzawl hi Olympian Lalremsiami Hmar leh player ṭha tam tak lo inzir chhuah tawhna hmun kha a ni.

India team hi May 21-29 chhung hian Europe khawmualpuiah an zin dawn. Belgium leh Germany te nen an inkhel ang a, heng bakah hian Netherlands club pahnih Bredase Hockey Vereniging Push leh Oranje Rood te an hmachhawn bawk ang.

India Squad

Goalkeeper: Aditi Maheshwari; Nidhi.

Defender: Jyoti Singh (C); Lalthantluangi; Anjali Barwa; Puja Sahoo; Mamita Oram; NirruKullu.

Midfielder: Kshetrimayum Sonia Devi; Rajani Kerketta; Priyanka Yadav; Khaidem Shileima Chanu; Sakshi Rana (VC); Anisha Sahu; Supriya Kujur.

Forward: Binima Dhan; Hina Bano; Lalrinpuii; Ishika; Sanjana Horo; Sonam; Kanika Siwach.