MPL Under 17 : Police leh Aizawl FC te an chak lo

Mizoram Premier League Under 17 chu nimin khan khelh ṭan a ni a, academy nei ṭha pahnih Mizoram Police FC leh Aizawl FC academy te an chak lo.

FC Venghnuaiin Mizoram Police FC 2-1 in an hneh a, Electric Veng FC-in 5-1 ngawtin Aizawl FC Academy an hneh bawk. Chanmari FC pawhin Chawnpui FC 10-1 in an sawp. Inelnaah hian CRS hman a ni a, Project Vengin CMS-a inziaklut pasarih an neih tlin loh avangin Chhinga Veng FC chu 3-0 a chaktir an ni.