MPL11 Qualifier SYS FC-in MFA Cup champion an hneh

Mizoram chhunga football inelna sang ber Mizoram Premier League khel tur zawnna MPL11 Qualifier chu nimin aṭangin RG Stadium-ah khelh ṭan a ni. Match hmasa berah FC Bethlehem leh Bethlehem Vengthlang te goal awm loin an inhnehtawk.

Inkhel hnuhnung zawkah coach Lalmuankima enkawl SYS FC-in Lawngtlai club MLS FC chu 2-0 in an hneh. SYS goal hnih hi minute 80 hnu lama lut niin Nicholas Ngurthansanga leh Mesak C. Lalrinngheta te khung a ni.

MPL11 Qualifier aṭangin a sang berin MPL an khel nghal dawn a, pahnihnain Project Veng nen playoff an khel dawn. ADFA First Division champion Bethlehem-in chance ṭhahnem tak nei mah se BVT lakah goal an khung thei miau lo a, MPL-a kir turin hmabak a har phah ang.