Hunthar an inlan dawn

Ather Pro Volleyball League 2024 khelh laiah zanin dar 8:00 hian Hunthar an inlan dawn, an match khelh tawh pahniha chak ve ve team hian Hlimen an hmachhawn dawn, inkhel a hmuhnawm leh khawp ang.

Inelna hi LPS Arena, Falkland Vengah neih niin LSP chuan live hmangin a pe chhuak ṭhin - YouTube lamah man chawiin en theih a ni bawk. Tualchhung volleyball ngainatuten mahni in lum aṭangin an en thei tihna a ni.

Volleyball ngaina veng Hunthar hian nikum khan nomawi an chawi phak lo. Kuminah inbuatsaihna ṭha tak nen an inlan a, an match hmasa berah champion lai Thutak Nunpuitu Team (TNT) an hneh nghal, a hnuah Chhinga Veng Spikers an hneh leh bawk.

Match pahnih an khelh tawhah Hunthar in set an la hloh miah lo - zanin pawh rinkai an ni leh ang.