Sevilla an him ve ta

La Liga season chawhma lam an chet chhiat vangin Sevilla dinhmun a duhawm lo viau hman a, tlak hlauhthawnawmah an ding hman hial. Mahse, season tawp a hnaih meuh chuan Spanish club an insiamrem hman a, season tharah La Liga an khelh chhunzawm zel dawn.

Sevilla hian Pathianni zan khan league match-ah Granada chu mikhualin, 3-0 in an sawp a, Marcos Acuña, Youssef En-Nesyri leh Dodi Lukébakio te chuan goal khat ṭheuh an khung a, Granada lam hian a chhanletna tur an nei lo.

Watford boss hlui Quique Sánchez Flores chuan Sevilla hi December 18, 2023 aṭang khan enkawl ṭanin, a enkawl hma hian league match 17 an khelhah vawi hnih chiah an chak!

Mahse, Flores pawh hian thil a thlak danglam nghal thei mai bik lo - a hoa league match an hmachhawn hmasak berah Granada tho hi hneh mah se, a hnua league match nga an khelhah point khat chiah an hlawh chhuak.

February 5 khan Sevilla hian 2-1 a Rayo Vallecano hnehin, an insiamrem ṭan a, hemi hnu hian league match 11 khelin, vawi ruk an chak a, vawi hnih chiah tlawmin, vawi thum draw an nei.