NBA Conference Semifinals - Warriors-in Blazers an hneh

Pathianni zing khan NBA Conference Semifinals inkhel pahnih a awm a, Golden State Warriors chu Portland Trail Blazers lakah an chak loh laiin Toronto Raptors chuan 95-91 in Miami Heat an hneh thung.

Warriors tan MVP Stephen Curry chu hliam vangin a la inkhel thei lo a, Moda Center-a inkhelah Blazers hi quarter hmasa berah 22-28 in hnufual mah se an insiam ṭha a, 120-108 in hnehna an chang. Match sarih khelh tura match thum khelh tawh aṭangin Warriors hian 2-1 in hma an hruai a, Thawhlehni zing dar 8:00-ah Game 4 an khel leh ang.

Blazers tan point guard Damian Lillard a khel ṭha tak zet a, point 40 a score bakah assist vawi 10 a nei bawk. Ani bakah hian point 23 score-tu Al Farouq Aminu leh point 22 hlawhchhuak thei C.J. McCollum te an thawhhlawk hle.

Eastern Conference semi-finals lamah Toronto Raptors chuan series-ah 2-1 a hmahruai turin Miami Heat an lo hneh ve thung a, Thawhlehni zing dar 5:30-ah Game 4 an khel ve leh dawn a ni.