Valeron a chawl dawn

Kum 40-a upa Deportivo La Coruna player ropui Juan Carlos Valeron chuan 2015-16 season tawp rualin inkhelh a chawlhsan dawn.

Spanish midfielder Valeron hian Las Palmas-ah bul ṭanin a ropuina tak chu Deportivo La Coruna a ni a, tun season-a Champions League final lut Atletico Madrid tan pawh a lo khel tawh. Deportivo tana a khelh lai hian Valeron hian Copa del Rey (2001-02), Supercopa de Espana (2000, 2002), UEFA Intertoto Cup (2008) leh Segunda Division (2011-12) ah te nomawi a lo chawi tawh.

Spain tana vawi 46 inlan thei Valeron hian Deportivo tan match 328 a khelh hnuin a club bul ṭanna Las Palmas chu kum 2013 khan a zawm a, La Liga club hi match hnih khelh hmabakah 10-naah a awm pui mek.