PSG-in record siam leh ta

Inrinni zan khan Paris St-Germain chuan khualmualah GFC Ajaccio chu 4-0 a sawpin French Ligue 1 khelh mekah point 92 hmuin record thar an siam leh ta.

Kum 2013-2014 khan PSG hian season khat chhunga point 89 hmuin French Ligue 1 chanchina season khat chhunga point hmu hnem ber record an lo siam tawh a, kuminah inkhelh hmabak pahnih la nei chungin anmahni record lo siam tawh hi an rawn khum leh ta a ni.

Stade Ange Casa-nova-a inkhelah Edinson Cavani chuan hat-trick siamin Zlatan Ibrahimovic chuan hun tawp dawnah goal khat a thawh ve leh bawk.

Laurent Blanc-a naute hian league nomawi leh French League Cup an chawi fel tawh a, tunah hian anmahni hnaih bertu Lyon nen an inthlauhna chu point 27 zet a ni mek. May 21 khian Marseille nen Coupe de France final an khel leh ang.