Italian Serie A palina Inter Milan

Italian Serie A khelh zawh la ni lo mah se Juvnetus an champion tawh a, AS Roma leh Napoli ten season tharah Champions League an khel dawn tih a chiang tawh bawk. Inrinni zan khan Inter Milan chuan 2-1 aEmpoli hnehin league table-ah palina dinhmun an hauh chiang ta. Anni pawh hian season tharah Europa League an khel dawn tih a chiang.

Roberto Mancini naute hian Mauro Icardi leh Ivan Perisic te hmangin goal an khung a, Empoli goal neih chhun hi Manuel Pucciarelli khung a ni thung.

Inter hian match 37 khelh tawh aṭanga point 67 hmuin palina an ni a, an hnuai chiaha awm Fiorentina hian match hnihin khel tlem zawk mah se an inthlauhna point sarih a nih tawh avangin lehpelh theih an ni tawh lo.

Inkhel dangah AC Milan chuan Carlos Bacca goal khat khung hmangin Bologna 1-0 in an hneh a, point 57 hmuin Serie A table-ah parukna dinhmun an luah thung.