Pro Volleyball 3rd MAP leh Anastasia chak phawt

Mizoram Volleyball Association leh LPS ṭang-kawp ten an buatsaih Zothan Aotu Works Pro Volleyball League chu Dengṭhuama Indoor Sta-dium, Mualpuiah khelh chhunzawm zel a ni a, 3rd MAP leh Anastasia Volleyball Club te chuan Hunthar hnungzuiin an match hmasa berah hnehna an chang.

Zirtawpni zan inkhel-ah 3rd MAP chuan Hmingi Volleyball Club lakah tawnhriat an ngah tawh zawkna chhawr ṭangkaiin, inkhel inhnehtawk takah staright set 3-0 (25-23, 25-21, 25-22) in hnehna an chang. Inrinni zan khan Chanmari West lamin set khatna la hmasa zawk mah se Anastasia VC lakah 3- 2 (25-19, 23-25, 18-25, 25-18, 27-29) in an chak lo.

Thawhlehni zan hian a hmun ngaiah league match khelh chhunzawm leh a ni dawn a, Hmingi VC hnehtu 3rd MAP leh an match khatnaa TNT hnehtu Hunthar VC te an inhmachhawn ve leh ang.

Pro Volleyball League-ah hian team paruk an inel a, league round-a an inkhelh kual vek hnuah point hmu sang pahnihin May 31 khian final khelh tura ruahman a ni.