Amir Khan-a ngam loh Saul Alvarez kuttum!

Pathianni zing khan Mexican boxer Saul 'Canelo' Alvarez chuan WBC middleweight title-a kawl lai humhim turin British boxer Amir Khan chu round ruknaah a knocked out.

Kum 29-a upa Amir Khan hian Alvarez hmachhawn tur hian weight division hnih lai a bawh kan a, Saul Alvarez hi hneh se chuan light-wel-terweight world champion zinga middleweight title kawl thei pathumna nihna hun ṭha a nei a, a hun ṭha neih a chhawr ṭangkai thei ta lo a ni.

Mipui 20,000 lenna T-Mobile Arena, Las Vegas-a inhnekah hian Mexican boxer-in ṭantu a ngah a, Amir Khan-a che vel chu mipuiin an au el nasa hle.

Mahse, Bolton khaw chhuak boxer hian zam loin amah aia lian zawk Saul Alvarez hi a hmachhawn a, a chet dan rang tak avangin Mexican boxer hi a talbuai hman hle. Mahse, round ruk naah Saul Alvarez-a kuttumin Amir Khan a deng fuh a, British boxer tan thawh lehna chi a ni tawh lo.

Knock out a nih hma zawnga hmahruaitu Amir Khan chuan, "Champion nichunga ring chhuahsan ka duh a, mah se vanduaithlak takin a tawp ka thleng zo ta lo. He chona phurawm tak ka hmaa a inchhawp khan ka tan chuan kalsan a harsa a ni," tiin Saul Alvarez hnek tura a rihna a puntir chhan a sawifiah.

Kum 27-a upa Saul Alva-rez hian vawi 49 inhnek a hma-chhawnah vawi 47 hnehna changin vawi 33 a khingpui a knock out a, vawi khat a khing-pui nen inhnehtawkin vawi khat a tlawm a, a hneh loh awmchhun hi Floyd Mayweather a ni.

Amir Khan-a knock out zawha a khingpui boxer din-hmun a ngaihtuahawm loh tih a hriat hmaa a chak lawm duh lo Saul Alvarez chuan vawi 35 inhnek a hmachhawna la chak vek WBA leh IBF title kawltu Gennady Golovkin hma-chhawn a duh thu a sawi nghal.

Amir Khan hian vawi 35 inhnek a hmachhawnah vawi 31 hnehna changin vawi 19 a khingpui a knock out a, Saul Alvarez a hneh loh hi vawi li a tlawm zawka a ṭanna chiah a ni.