CYMA Cricket : Joseph-a'n 156 runs a siam

CYMA leh CAM buatsaih 12th Inter Branch Cricket Tournament-ah champion lai Ramhlun Venglaiin champion zia an la nei reng a, nimin khan Zemabawk chu 181 runs-in an sawp. RVL captain Joseph Lalthankhuma'n 156 runs a siam a, ball 58 chiah a hmang bawk.

Mizoram innghahna ni pha Joseph-a hi National Cricket Academy-ah pawh inzir tawh a ni a, CAM Cricketer of the Year hmasa ber leh ni lai mek a ni. Joseph hian century siam turin ball 36 chiah a mamawh a, fielding-ah pawh a ṭha - Zemabawk top order-a mi Johan Lalruatfela leh David Lalrinsanga te a catch out bawk.

Luangmual leh Hunthar inkhelah bowler an langsar thung. James Lalthanmawia leh C. Lalbiaksanga ten wicket thum ve ve an la a, Huntharin 55 runs chauh siamin over 15-ah an thi vek. Luangmual batter an che ṭha bik lo a, captain G. Lalbiakvela pawhin run li chiah a siam. Mahse, an target a hniam avangin over 15.5-ah 55/6 runs siamin hnehna an chang ta tho.