Veteran Football Final-ah Ward No. IX Vs Lengpui

GIG Motors Veteran Football Tournament 2024 semifinal chu nimin khan1st MAP Ground, Armed Vengah khelh a ni a, Ward No. IX-in Ward No. II hnehin final an lut. Ward No. IX hi Chhinga Veng, Saron Veng, Tuithiang leh Dawrpui te an ni a, final an luh theih nan S. Malsawmtluanga a che ṭha hle.

Semifinal hnuhnung zawkah Aizawl South III leh Lengpui Veteran te hun pangngaiah 3-3 in an inhnehtawk a, penalty shootout-ah Rohmingthanga telna Lengpui 4-3 in an vannei. Final hi May 9, Ningani chawhnu dar 1:00-ah khelh a ni ang.