MPL U17 chhunzawm dawn

Vawiin hian MPL U17 round hnihna chu 1st Bn MAP Ground, Armed Vengah chhunzawm a ni dawn. Round hmasa berah Chanmari FC an chak chiang a, vawiin hian Aizawl FC academy lakah fiahna an hmachhawn ang.

Electric Vengin champion thei zinga mi an ni tih lantir tawh a, Chhinga Veng nen an inkhel tur hi en a châkawm. Chhingcows hian match forfeit vangin point thum an hmu tawh a, vawiin hi an inlan hmasak ber tur a ni.

FC Venghnuaiin Mizoram Police hnehin bul an ṭan a, Chawnpui lakah pawh rinkai zawk an ni ang. 1st Bn MAP Ground-a nitina training ṭhin Mizoram Police an chak lo nghal a, Project Veng lakah insiamṭhat an tum ang.