Mumbai-in Hyderabad an hneh

Indian Premier League-ah Mumbai Indians chuan Thawhṭanni zan khan Sunrisers Hyderabad chu wicket sarihin an hneh a, tun season-a beisei tur nei tawh lo MI hian SRH-in eliminator round khelh an beiseina chu an tih derthawnsak.

Ṭhumvawra vannei MI-in an vawm hmasa a, SRH tan Travis Head-a'n run 48 a siam tling tih loh chu run 30 siam tling dang an awm lo. Over 20-ah run 173 an siam a, wicket riat an hloh. MI bat hun a thleng a, a tir lama ding chhuak Ishan Kishan (9 runs), Rohit Sharma (4) leh Naman Dhir (0) ten beisei phak lo mah se, Suryakumar Yadav chuan ball 51-ah run 102 zet siamin a team a chakpui - Mumbai club hian over 17.2-ah an target hi an um phak a, wicket thum chiah an hloh a ni.

Zanin dar 7:30-ah SRH hi an inlan lehnghal dawn a, Lucknow Super Giants an hmachhawn ang.