Mbappe hun a zo ta!

Theih ni se la chuan Kylian Mbappe hian Paris Saint Germain tana Champions League nomawi chawi a duhna hi a sang khawp ang, an ram khawpuiah ngei mai UCL title hawn thei se chun lunglawm a kim dawn tih a sawi ngam.

Mahse, duh leh it zawng a neih vek theih loh ang bawkin Mbappe tan pawh a remchang rih lo. Tun season tawp rualin PSG tana a contract a hmang zo dawn a, pawh sei tumna a neih loh avangin atana season hnuhnung ber a ni tura ngaih a ni.

France captain hi Real Madrid nen sawizawm mek a ni a, an chak loh hnuah chanchinbu mite chuan UCL final-ah Real Madrid nge Bayern Munich a ṭan zawk dawn tih an zawt a, zawhna chhang loin Mbappe hian a kalsan.

Kum 25 mi Mbappe chuan, "Champions League champion ni tur chuan kawng thui tak zawh a ngai, ka hmuh dan chuan Paris Saint Germain pawhin chu chu a hlat tawh lo," a ti. European champion team chu rei lote chhunga din theih a ni lo tih a pawm.

Mabppe hian a chhuak dawn tih hi chiang takin a la sawi lo a, mahse club thuneitu lam ṭawngkam aṭang chuan contract pawhsei a tum loh thu hi a ri zauh zauh tawh, nipui bazar ti ngaihnawm tu a ni leh dawn tih chu a chiang.

Luis Enrique-a'n a player ṭha bik hi chelh theih a la inbeisei a, chelh tur erawhin nomawi chawi theih zawng zawng chawi a ngaih a rin thu a sawi bawk. Tunah erawh UCL an la dawn lo a, a tum anga Mabppe chelh chu thil harsa tak a ni ngei ang.