Bethlehem dinhmun a ṭha

MPL11 qualifier-ah FC Bethlehem chuan nimin khan SYS FC 4-2 in an hneh a, Mizoram Premier League-a kir turin an kutah engkimah a awm. ADFA First Division champion FCB hian match hmasa berah Bethlehem Vengthlang lakah goal khung thei lo mah se MLS FC hnehtu SYS FC lakah goal li an khung.

RG Stadium-a inkhel hnuhnung zawkah MFA Cup champion MLS pawhin hnehna an chang a, minute kuanaa Rothangliana goal hmangin Bethlehem Vengthlang 1-0 in an hneh.

Team pali aṭanga a sang berin MPL an khel nghal dawn a, pahnihnain MPL10-a pasarihna Kolasib club Project Veng FC nen playoff hmangin hmunruak pakhat an hnawh khat dawn. Tun dinhmunah team paliin beisei tur an la nei vek.