Geneva Open-ah Murray inlan dawn

Andy Murray chu tennis khel turin a inpeih leh tawh - May 18 aṭanga khelh tur Geneva Open chuan duhsak takin wildcard an pe a, harsatna dang a thleng leh thut a nih ngawt loh chuan a inlan dawn a ni.

Kum 36 mi Murray hian inkhelh a chawlhsan tur hun tak lo sawi lo mah se, tuna a lan dan chuan tun season tawp rual hian tennis a chawlhsan a rinawm a, a tan tournament hnuhnung ber a ni zel tawh tihna a ni.

Clay court inelna lian ber French Open chu tun thla tawp lamah hian khelh a ni dawn. Paris khawpuiah Murray hian inlan a tum a, grass court inelna lian Wimbledon pawh khelh ngei a tum thu a lo sawi tawh bawk.