Saitual-in quarterfinal an lut

Inter District Senior Women's Football Championship 2023-24-ah Saitual chuan match hmasa pahnihah hnehna changin quarterfinal an lut. Saitual hian match hmasa berah Hnahthial 1-0 in an hneh a, nimin khan Lawngtlai 3-1 in an hneh leh bawk.

Inelnaah hian MFA hnuaia district 11 an tel vek a, group paliah ṭhendarh niin group tin aṭangin a sang pahnihin quarterfinal an lut dawn.

Nimin khan a vawi khat nan Aizawl an inlan a, 4-1 in Lunglei an hneh. Lunglei hian 4-1 thoa Champhai a hneh loh avangin an tla a, Aizawl leh Champhai hian quarterfinal an lut tawh bawk.

Inkhel hnuhnung berah Siaha-in Mamit 1-0 in an hneh a, Serchhip-in Mamit an hneh tawh bawk. Group C aṭangin Siaha leh Serchhip ten quaterfinal an lut a, group hmahruaitu tur an zawng leh ang.