Semifinal-ah Bungkawn an lut

Ather Pro Volleyball League 2024 khelh laia hmeichhe inelna huangah Bungkawn chuan semifinal an lut. Bungkawn hma hian Luangmual leh Diakkawn te chu a thiam pali zinga tel turin an lo tling chiang tawh bawk.

Nilaini zan LPS Arena, Falkland-a inkhelah Bungkawn hian Durtlang lakah 12-15, 10-15, 15-9, 15-12, 15-13 (3-2) in hnehna an chang a, set thum an lak avang hian point thum an hmuh belh a, an point hmuh hi semifinal thlen nan a tawk a ni.

Chak lo zawk Durtlangin league kal mekah a vawi khat nan set an la a, semifinal beiseina an la nei ve bawk. League match hnuhnung ber khelh an la hmabak a, hmunruak pakhat la awm chu Durtlang leh Serkawn ten an inchuh ang.