A tawp berah Chanmari vs Venghnuai

MPL U17 chu vawiin hian 1st Bn MAP Ground-ah khelh chhunzawm a ni dawn. Round hnih khelh tawha chak ve ve Chanmari FC leh FC Venghnuai te chu chawhnu dar 2:15-ah an inkhel dawn a, team ṭha zawk hriat theihna tur ṭha tak a ni thei ang.

Electric Veng pawhin match hnihah point ruk an hmu a, an khelh tawh aṭanga thlirin Mizoram Police aiin an buk a rit zawk. Aizawl FC Academy-in beisei an la pha lo a, Chhinga Veng lakah insiamṭhatna hun ṭha an nei. Chawnpui FC leh Project Veng FC te an nem deuh niin a lang a, a hnuai bera awm duh loh tan vawiina chak a pawimawh.