IPL boruak a hot zel

IPL-ah knockout stage lut tur hriatthiam a la har zel a, inkhel zawng zawng a pawimawh tawh. May 8, Nilaini zan khan Sunrisers Hyderabad-in inkhel pawimawh takah Lucknow Super Giants chu wicket 10-in an hneh.

Lucknow hian bat hmasak thlangin over 20-ah 165/4 runs an siam a, target ṭha a ni lo. Sunrisers opener Abhishek Sharma leh Travis Head te duhthusama ṭhain an khel a, a tawp thlengin an dam.

Sharma hian ball 28-ah 75 runs a siam a, Head-a'n ball 30-ah 89 runs a siam a bawk. Sunrisers hian over 9.4-ah 167 runs siamin hnehna a chang.

Zanin dar 7:30 hian Chennai Super Kings leh Gujarat Titans te an inkhel dawn a, dinhmun ṭhaa ding turin CSK tan chak aṭul. Titans erawh an chak lo a nih chuan knockout stage thlen beiseina a tawp thei hial ang.