Manager ṭha rual zingah Iraola

Premier League manager of the season dawng thei tur hming chhawp zingah AFC Bournemouth manager Andoni Iraola a tel. Manager dang pali chu Mikel Arteta (Arsenal), Unai Emery (Aston Villa), Pep Guardiola (Man City) leh Jurgen Klopp (Liverpool) te an ni.

Iraola hnuaiah Cherries hi 10-naah an awm mek a, an player theihna aṭanga thlirin an dinhmun hi a ṭha hle. Kum 41 mi Iraola hi chawimawina dawng tur chuan a beiseiawm chiah lo a, chutihrualin nominee-a awm ringawt pawh hi chawimawina a tling.

Season tawp lamah Liverpool an chetsual avangin Jurgen Klopp-a pawhin Reds tana a season hnuhnung berah chawimawina hi a dawn a rinawm loh. Chutihrualin Arteta, Emery leh Pep te zinga tu emaw ber hian chawimawina hi dawng se, sawiseltu aiin awmtitu an tam zawk ngei ang.