Villa beiseina a tawp

Aston Villa-in kum 1982-a European Cup champion an nih hnua European football nomawi chawi leh an tumna chu a thamral a, Ningani zan khan Europa Conference League semifinal-ah Olympiakos chu 2-0 in an ngam lo.

Villa hi first leg-ah 4-2 in an lo tlawm tawh a, inkhel pahnih belhkhawmah 6-2 a tlawmin, ECL final chu an khel dawn ta lo. Villa Park-a team pahnih intawn hmasaka hattrick siamtu Ayoub El Kaabi chuan am mualah goal hnih a khung a, Villa-in a chhanletna tur an neih loh avangin an tlawm.