RCB beiseina siamtu Kohli

Indian Premier League-ah Royal Challengers Bengaluru-in knockout round thlen beiseina nei turin Punjab Kings chu 60 runs-in an hneh.

Dharamsala-a inkhelah RCB-in vuak hmasak thlangin Kohli-a'n ball 47 lekah 92 runs a siam a, mikhual team-in over 20-ah 241/7 runs an siam.

Bengaluru bowler Mohammed Siraj (43/3), Swapnil Singh (28/2) leh Lockie Ferguson (29/2) te an vawm ṭha a, Punjab Kings-in over 17-ah 181 chauh siamin an thi fai vek.

Match 12 aṭangin RCB-in point 10 an nei a, an khelh hmabak match hniha an chak chuan knockout stage luh dan a la awm.

Zanin dar 7:30 hian Kolkata Knight Riders leh Mumbai Indians te an inkhel dawn. May 12, Pathianniah match hnnih a awm ang. Tlai dar 3:30-ah Chennai Super Kings leh Rajasthan Royals te an inkhel ang a, zan dar 7:30-ah RCB leh Delhi Capitals te an inkhel zui ang.