Indian Women's League (IWL) sawn hla

Covid-19 vangin Indian football pawh a kalphung pangngai angin a kal hleithei lo a, January a khelh tura ruahman Indian Women's League (IWL) chu May 2021 a khelh tura sawn a ni. 

January thlaa IWL kalpui tur hian state association lam ten hmeichhe league an neih chu an khelh ve phawt a ngai a, kuminah Covid-19 vangin state hoin an hmeichhe league neihte an kalpui thei lo. 

Hei vang hian AIFF chuan state league a ngaichang leh phawt a, state league khelh zawh hun tura ngaih May thlaah IWL hi neih turin ruahmanna a siam ta a ni. 

Hetihlai hian  AIFF hnuaia youth league hrang hrang pawh kalpui theih a ni rih lo a, I League CEO Sunando Dhar chuan, "Youth league hi kum engemawzat chu hlawhtling takin kan kalpui tawh. 

"Mahse, team 300 velin inelna an hmachhawn ṭhin a, kan tum dinhmun nen chuan kalpui a harsa a ni. Kum khat a nih chuan kan kalpui leh thei mahna," tiin youth league chungchang chu a sawi.