Odegaard leh Rice te an langsar

Premier League player of the season award dawng thei tur hming pariat chhawpchhuah zingah Arsenal midfielder Martin Odegaard leh Declan Rice te an langsar. Nominee zinga mi Phil Foden, Erling Haaland, Alexander Isak leh Cole Palmer te chu young player of the year nominee-ah an tel bawk a, Liverpool defender Virgil van Dijk leh Aston Villa forward Ollie Watkins te chu a tikimtuah an ngaih theih.

Arsenal captain Odegaard hi mual chhungah a nung ṭha ṭhin a, chak tuma a thawhrim bakah a hmuhnawm tel. Norwegian midfielder hian assist leh goal vawi riat ve ve a nei a, chance vawi 94 zet a siam bawk. Gunners-in pressing game an khelh theihna tura a khaipa pawimawh a ni.

Declan Rice-a'n West Ham aṭangin Gunners a zawm a, Mikel Arteta hnuaiah hmun pawimawh a chang nghal. Hammers-a holding midfielder ṭha mi kha Arsenal-ah chuan box to box midfielder a ni tel tawh a, tackles vawi 79 zet a neih bakah interception vawi 43 a nei bawk.