Goetze-a'n PSV a zawm

Mario Goetze chuan season hnih chhung atan PSV Eindhoven a zawm. 2014 World Cup final-a chakna goal khungtu hian club khelh mekna a nei lo a, a thlawnin a duh lam a pan thei a ni.

Germany tana match 63 khel tawh hi hliamin a tibuai nasa a, beisei ang a phak ta meuh lo. June thla khan a khelhna Borussia Dortmund chuan an chhuah zalen a, tunah chuan Dutch club tan chona thar a hmachhawn ang.

Kum 28 mi Gotze hi Dortmund aṭanga inzir chhuak a ni a, theihna a nei sang. An elpui Bayern Munich in an laksak a, Allianz Arena lamah hian beisei angin a khel chhuak lo - a club ngai Dortmund lamah bawk a kir leh.

PSV hian an tem enkawl turin German coach Roger Schmidt an lalut a, ani hian Gotze hma hian Adrian Fein leh Marco van Ginkel te a lo lalut tawh bawk, season tharah league nomawi chawi an tum ang.