Mumbai Indians an che ṭha zel

Thawhlehni zan khan Indian Premier League-ah Mumbai Indians-in run 57-in Rajasthan Royals an hneh. Mumbai hian an bat hmasa a, run 193/4 an siam. Rajasthan hi run 136 an siam tihin an thi fai vek.

Sheikh Zayed Stadium-ah Mumbai Indians-in bat hmasak an thlang a, Suryakumar Yadav-a'n ball 47-ah thi loin run 79 a siam. Mumbai hian run 193 an siam a, wicket li an hloh.

Rajathan Royals tan Jos Buttler-a'n run 70 zet vaw chhuak mah se thlawptu ṭha a nei lo. Royals batsman ten Mumbai bowler ṭha Jasprit Bumrah an ngam lo. India bowler ṭha mi hian run 20 chauh pein wicket li a la a, Rajasthan hi over 18.1-ah run 136 an siam.

Mumbai Indians hi pakhatnaah an awm a, match khata khel tlem Delhi Capitals-in Mumbai point hmuh zat point riat an hmu ve bawk.

Zanin dar 7:30 hian Sunrisers Hyderabad leh Kings XI Punjab te an inkhel dawn. Punjab hi match nga an khelh tawh aṭangin vawi khat chiah an la chak.