India cricketer ṭha zingah Mizo an la tel ang - Org Secy

Central YMA-in infiamnaa Mizoramin hma a sawn nan hma a la ṭhin a, CYMA hmingin inelna hrang hrang football, basketball, cricket, volleyball, table tennis leh carrom board te buatsaih tawhin ngaihhlut a hlawh ṭhin. Kuminah CYMA leh CAM ṭangkawpin hlawhtling takin a vawi 12 nan cricket inelna a buatsaih leh bawk.

Organising secretary Darremsanga chuan, "Gentleman's game tia an lo sawi ṭhin, cricket hi Mizo ṭhalai infiammite tana khelh tlak tak, taima leh tumruh tana eizawnna leh hausakpui hial theih a nihna hian hmasawnna tam tak min la thlen ang. Senior player ṭha tak tak awm karah naupang duhawm tak tak rawn chawrchhuak thar hmuh tur ṭhahnem tak an han awm te, player hmasawnna ropui tak leh game quality sang tak hmuh tur an awmte hian kan ṭhalaite tana hetiang hun buatsaihtu nih a tinuam em em a ni. Nakin lawkah chuan hming tawpa A awm ngei kan Mizo ṭhlaite hi India ram Cricketers ṭha hming tarlan zingah hian an la tel ngei ang tih hi ka ring tlat a ni," tiin Vanglaini a hrilh.

Cricket inelna hlawhtling tak buatsaih a nih theih nan hian hlawkna um lo a, tlawmngaia hlawkchhuak mi ṭhahnem tak an awm tih hriat tel a ṭha hle.