Neymar tel lohna Brazil

Hliam vangin a inkhel thei lo ngar ngar a, a inkhelh hun a la chiang thei lo bawk - Neymar chu Copa America khel tur Brazil squad-ah telh a ni lo.

Brazil tan Neymar hian goal 79 khungin a khung hnem ber a, nikum October thla khan Uruguay nen FIFA World Cup 2026 qualifier an khelh ṭumin a inhliam, a hnuah a la inkhel leh thei lo a ni.

Neymar bakah hian Manchester United midfielder Casemiro chu koh loh langsar zinga mi a ni. Real Madrid midfielder hlui hian season a hmang ṭha lo a, club lama a khelhpui Antony tan hmun a awm lo bawk.

Arsenal striker Gabriel Jesus tan pawh hmun a awm lo, world champion vawi nga ni tawh hian player koh tur ṭha an ngah tih a chiang. Tottenham Hotspur striker Richarlison pawh koh zingah a tel lo a, tlarhma lamah Vinicius Junior chu an hmachhuan tur a ni ang.

Brazil hi Group D-ah Colombia, Paraguay leh Costa Rica te nen an awmkhawm dawn a ni.

Brazil Squad:

Goalkeepers: Alisson, Bento, Ederson.

Defenders: Beraldo, Eder Militao, Gabriel Magalhaes, Marquinhos, Danilo, Yan Couto, Guilherme Arana, Wendell.

Midfielders: Andreas Pereira, Bruno Guimaraes, Douglas Luiz, Joao Gomez, Lucas Paqueta.

Forwards: Endrick, Evanilson, Gabriel Martinelli, Raphinha, Rodrygo, Savinho, Vinicius Jr.