Chanmari FC an chak zel

MPL Under 17-ah Rochhingpuia enkawl Chanmari FC-in match liah chak vekin inelna hmahruaitu an ni a, Inrinni khan Chhinga Veng 3-2 in an hneh.

Electric Vengin Chawnpui 5-0 in an sawp a, chak loh nei loin match li aṭangin point 10 an hmu a, pahnihnaah an awm.

FC Venghnuai tan Benzy Biaknunsanga'n goal pawimawh khung lehin Project Veng 2-1 in an hneh a, match thumah point kua hmuin pathumnaah an awm. Aizawl FC Academy an tho chhuak a, an elpui Mizoram Police chu 2-0 in an hneh a, palinaah an invawrhchho.

Goal hnihna khungtu Christopher Zaithantluanga'n goal khung zawhah 'For my grandparents. My aunt and my sister who are in heaven' tih chuanna kawr chu a pholang.

Inrinni hi Christopher tan ni hlu tak a ni a, a pi leh pute Golden Jubilee a nih bakah a ni leh farnu te lungphun ni a ni a, khelmualah goal hmangin a lawmsak a ni.