Serchhip an tla; Vawiinah semifinal

13th May, 2024

MFA Inter-District Senior Women Football Championship 2023-24-ah inelna thlengtu Serchhip an tla.

Inrinni khan Serchhip Sports Complex-ah quarterfinal khelh a ni a, Serchhip-in second half ṭantirah 2-1 in hma hruai mah se Teresa Malsawmzuali hnawh chhuah an tuar a, 3-2 in an inlehthaltir.

Vawiin hian semifinal khelh a ni dawn. Champion lai Saitual leh Kolasib te chawhma dar 11:00-ah an inkhel ang a, chawhnu dar 2:00-ah champion rinkai Aizawl leh Khawzawl te an inkhel leh ang.