KKR-in semifinal an lut

Kolkata Knight Riders-in Inrinni zan khan Mumbai Indians 18 runs-in an hneh a, Indian Premier League semifinal an lut. KKR hian match 12 aṭangin point 18 an hmu a, semifinal lut hmasa ber an ni. Mumbai leh Punjab Kings te tan erawh knockout stage luh beseina a awm tawh lo.

Eden Gardens-ah ruahsur vangin 20 overs chu 16 overs-ah tih tlem a ni a, Mumbai-in vawm hmasak an thlang. Mualneitu KKR-in opener-te che ṭha lo mah se Venkatesh Iyer (42), Nitish Rana (33) leh Andre Russell (24) te zarah 157/7 runs an siam.

Mumbai tan target hi a harsa pha a, Ishan Kishan (40) che ṭha mah se a bul ṭanpui Rohit Sharma (19) strike rate a ṭha tawk lo. Mikhual team hian 139/8 runs chauh an siam thei a, 18 runs-in KKR an chak.

Nimin lamah Chennai Super Kings vs Rajasthan Royals bakah Royal Challengers Bengaluru vs Delhi Capitals te an inkhel a, semifinal lut leh beisei tur nei tawh lo an awm belh tura ngaih a ni. Zanin dar 7:30 hian Gujarat Titans leh Kolkata Knight Riders te an inkhel ang.