Cavs lakah Celtics an chak

Boston Celtics chuan nimin zing khan Cleveland Cavaliers lakah 106-93 in hnehna an chang a, NBA Eastern Conference semifinal khelh laiah 2-1 in hma an hruai leh ta chiah.

Seeded pakhatna Boston hian game 1 an la a, rinkai zawk ni mah se game 2-ah an chesual. Game 3-ah erawh an chesual nawn lo, an chak theih nan player ṭha Jayson Tatum chuan point 33 a nei.

Tatum bakah hian point 28 neitu Jaylen Brown a langsar a, chak lo lam Cleveland tan Donovan Mitchell chuan Tatum ang bawkin point 33 nei ve bawk mah se chakpui nan a tawk zo lo.

Inkhel dangah Dallas Mavericks chuan Oklahoma City Thunder lakah 105-101 in hnehna an chang a, anni pawh hian Western Conference semifinal-ah 2-1 in hma an hruai ve bawk.

NBA playoff chin hi best of seven series hmanga khelh vek a ni a, chuvangin chak tur chuan a tlem berah game li tal an lak zel a ngai a ni.