Tuichangral an kang sang

Aizawl khawpui pawn team tan Pro Volleyball League champion nih a awlsam lo - Tuichangral hian Ather Pro Volleyball League 2024 nomawi chawi an tum ngam a, an beiseina hi court chhungah thil tih hmangin an lantir.

Inrinni zan khan LPS Arena, Falkland-ah PVL mipa inelna buatsaih leh niin Tuichangral hian Durtlang North chu 20-25, 25-23, 25-19, 25-22 (3-1) in an hneh a, match vawi thum aṭanga vawi hnih chakin table-ah pahnihna dinhmun an luah.

A chung berah hneh loh la tawng lo Hunthar an awm a, pahnihna chu Tuichangral niin, anni hi pathumna Thutak Nunpuitu Team aiin match khatin an khel tlem zawk a, pahnihna ni tlang turin an dinhmun a ṭha.

Durtlang North tan Johan Vanneihsanga chuan point 25 neiin Kuriz Player of the Match atan thlan a ni hial a, mahse a point neih tam hi chakpui nan a tawk zo lo - match thum an khelh tawh aṭangin vawi khat chiah an la chak.