Semifinal khel tur a hriat kim

Ather Pro Volleyball League 2024 hmeichhe inelna lamah semifinal khel tur a hriat kim, hmun ruak pali zinga a hnuhnung ber chu Serkawn chuan an hnawhkhat ta a ni.

Zirtawpni zan khan LPS Arena, Falkland-ah Serkawn hian semifinal lut chiang tawh Luangmual an hmachhawn a, inkhel inhnehtawk takah 15-10, 15-13, 11-15, 16-14, 12-15 (3-2) in an hneh.

League match vawi thum an khelh tawhah Serkawn hian vawi hnih hnehna changin pathumna dinhmun an luah mek. Serkawn bakah hian Luangmual, Bungkawn leh Diakkawn ten semifinal hi an lut.

Durtlang erawhin match thum an khelh tawhah chak ni hmel an la hmu lo a, khelh hmabak pakhat la nei mah se an chunga mite an um phak thei tawh lo a, inelna an mangṭha a ngai dawn ta a ni.