Taekwondo champion Mizoram

India rama a vawi khat nan National Taekwondo Demonstration Championship chu May 5-8 chhung khan Bilimora, Gujarat-ah neih a ni a, Mizoram Team an cham-pion. Inelnaah hian Gu-jarat (J-STARC) chu pahnihna niin pathumna-ah Maharashtra (Shining Star) an awm thung.

Taekwondo Demon-stration Cham-pionship-ah hian India rama state hrang hrang 14 aṭangin infiammi an fuan khawm a, Mizoram aiawh a telte hian endikna hrang hrang Creative Poomsae, Aerobic, Basic Technique leh Self Defence-ah te an che ṭha vek. Inelna endiktu hi Korea aṭanga chah Master Shin Minseol a ni.

Mizoram Team hian Champion Trophy bakah Rs 1,50,000 an dawng a, Tuikual tlangval Dominic Rozamliana chu 2nd Best Performer-ah thlan niin Rs 15,000 a dawng bawk.

Mizoram aiawhtute

Sl No Hming Khua/Veng

1 Dominic Rozamliana Tuikual/SYS

2 Angela Lalremruati Electric Veng/SYS

3 Zohmingthanga Bilkhawthlir/SAI

4 Albert Lalrinfela Serchhip/SDATA

5 Francis Lalnunhlima Armed Veng/AVSTC

6 NS Muani Electric Veng/ATA

7 Lalsangpuia Chawlhhmun/SYS

8 Laltanpuia Chawnpui/CTC

9 Alban Lalfakawma Electric Veng/SYS

10 Reshi Raj Tamang Ṭhuampui/SYS