Pro Volleyball 3rd MAP vs Hunthar

Zanin dar 8:00 hian Dengṭhuama Indoor Stadium Mualpuiah Pro Volleyball League Round 2 khelh a ni dawn a, 3rd MAP leh Hunthar Volleyball Club te an in hmachhawn ang.

Team pahnihte hian an match hmasa zawkah hnehna an chan ve ve avangin zanina chak zawk tan final kawng a inhawng zau tawh dawn a, champion tum ngam tan chetsual loh a fuhin a rinawm.

Mizoram Volleyball Association hnuaia team ṭha ber pawl pahnih 3rd MAP leh Hunthar te hi tun season-ah vawi li an lo inhmachhawn tawh a, hengah hian Hunthar chungnung zawkin vawi thum a chak zawkah an ṭang.