NBA Conference Semifinal Cavaliers-in Hawks hnehin final an lut

NBA Eastern Conference Semifinal-ah Cleveland Cavaliers chuan Atlanta Hawks hnehin Conference Finals an lut. Best of Seven Series-ah Cava-liers hian match hma-sa paliah hnehna an chan vek avangin inkhelh hmabak pathum chu khelh a ngai lo.

Nimin zing khan Philips Arena-ah Cavaliers hian 100-99 in hnehna an chang. Hawks hian inkhel bul
ṭan ṭha zawkin quarter hmasa berah 36-27 in hma an hruai a, minute khat leh second 31 chauh khelh tur a awm tawh tihah pawh 97-96 in an la sang zawk.

Mahse, Cavaliers tan a hun te a rah ṭhin LeBron James chu hun pawimawhah rawn inlar lehin point hnih a rawn score a, second 39 chauh a awm tawhah point hlawh chhuak lehin a team a chak pui.

Western Conference Semifinal inkhelah Okla-homa City Thunder chuan San Antonio Spurs lakah 111-97 in hnehna an chang a, series-ah 2-2 chiah niin Ningani zing dar 5:30-ah Game 5 an khel leh ang.