Scottish Premiership champion Celtic

Celtic chuan Pathianni zan khan table-a pahnihna dinhmun luah mek Aber-deen chu 3-2 in an hneh a, Scottish Premier League nomawi an chawi ta.

Scottish champion thar tan hian Patrick Roberts chuan goal hnih a khung bakah Mikael Lustig chuan goal khat dang a khung ve bawk a, Aberdeen tana Niall McGinn leh Andrew Con-sidine-te goal khungin awmzia a nei thui lo.

Celtic hian league match thum chiah tlawm hmel hmuin league nomawi chawi mah se manager Ronny Deila chuan Scottish club lian hi a chhuahsan tur thu a lo ti chiang tawh a, a ban chhan hi Scottish Cup semifinal-a an hmelma kumhlun Rangers an hneh loh vang nia ngaih a ni.

Scottish Premiership-ah hian team 12 awmin vawi thum ṭheuh team tin hi an inkhel kual a, an inkhelh kual vek hnua a sang paruk leh a hniam parukin team-te hi ṭhen an ni leh a, a hniam paruk tan a sang parukte hi umphak theih an ni tawh lo.

Champion team hi Champions League second qualifying round khel turin an tling ṭhin a, pahnihna leh pathumna hian Europa League first qualifying round an khel thung.

Table-a a hnuai ber hi Scottish Championship lamah tla thlain a hnaui ber dawttu hian Premiership playoff finals an khel ṭhin thung a ni.