Zin lo tura fan-te ngentu Klopp

Liverpool boss Jurgen Klopp chuan Europa Lea-gue final Basel khawpuia an khelh hunah Reds fan ticket nei ve lote chu zin kher lo turin a chah!

May 18-a Basel khaw-puia Sevilla nena Europa League final khel tur Liverpool hi final pual hian ticket 10,236 chauh pek an ni a, hei hian sawisel a hlawh hle.

Reds manager Klopp chuan, "Liverpool fan-te hnenah Basel-a min ṭawi-awm vek turin ka lo sawm tawh a, ka tihsual a ni. Basel hi khawpui nuam tak ni mah se min dawl zo tur khawpin a inpeih lo a ni," a ti.

Klopp chuan sawi chhunzawmin, "Football-ah chauh rilru pek kan duh a, stadium-a hmun in chang lo a nih chuan in lam aṭanga min lo
ṭawiawm turin ka sawm che u a ni," tiin fan-te chu player-te rilru la peng thei thil ti lo turin a chah.

Europa League no-mawi chawi thei din-hmuna ding mek Reds hian Pathianni zan khan Premier League-ah Wat-ford chu Joe Allen leh Roberto Firmino-te goal khung hmangin 2-0 in an hneh.