Bundesliga khel tur RB Leipzig

Kum 2009-a din RB Leipzig chuan an club din aṭangin kum ruk a liam hman chauh tiha Germany-a football club-te inelna sang ber an khel dawn a, Pathianni zan khan season thara Bundesliga khel turin Karlsruhe chu 2-0 in an hneh.

RB Leipzig hian 2.Bundesliga-ah pahnihna nichungin season an khar a, an chung chiaha awm Freiburg nen season tharah chuan Bundesliga hi an khel dawn a ni.

Austrian energy drink company Red Bull club RB Leipzig hian NOFV-Oberliga Sud (fifth division)-ah bul an ṭan a, an season hmasa ber-ah champion nghalin Re-gionalliga Nord (fourth division) an khel leh. 2012-13 season khan fourth division-ah hian champion lehin 3. Liga (third division)-ah promote an ni leh a, third division-a an season hmasa berah pahnihna ni nghalin 2. Bundesliga (second divi-sion)-ah an in-hlangkai a, Second division-ah hian season hnih chiah hun an hmang hman tihin Bun-desliga an khel dawn ta a ni.