Arsenal-in Spurs an ṭan

Arsenal hian an tih theih zawng zawng ti vek mah se an kutah a awm vek si lo, an hmelma kumhlun Tottenham Hotspur chu Premier League nomawi an chawi theih nana pui theitu an ni.

Club inhaw bik an awm, chung zingah chuan Tottenham leh Arsenal pawh sawi hmaih an thiang lo. Gunners an champion ai chuan Spurs hian chak loh an pawiti hran lo ang - fans ṭhenkhat chuan chak loh an duhthu hi club thuneitute hnenah an thlen niin an sawi hial.

Arsenal legend Paul Merson chuan, "Manchester City lamin goal an khung a nih chuan Spurs fans lamin a lawmpui duh hialin ka ring," tiin a rinthu a sawi a, an hmelma chuan an tan an beihsak ngawt duh a ring thei lo.

Merson chuan sawi zawmin, "A lan dan chuan Arsenal hi pahnihna an ni dawn. Spurs hian Arsenal pui turin lo inhnehtawk pui a tawk, an mikhual Man City hi an lo hneh a nih ngat chuan Tottenham tatto ka nei ang," a ti.

Nizan khan Aston Villa leh Liverpool an inkhel a, Villa hi an chak a nih chuan season thara Champions League khel turin an tling ang - zaninah Tottenham tan beisei tur a awm tawh lo ang. Unai Emery nauten Reds an hneh lo a nih erawh chuan Spurs tan UCL beiseina an la nei dawn.

Arsenal forward Kai Havertz chuan, "Tottenham ṭan em em tute zinga mi ka ni dawn, kan tan thil ṭha min tihsak ngei beisei ang," a ti. Havertz hian North London club tana a season hmasa ber a hmang chauh, chutihrualin London boruak hre sa a nih avangin thil awmzia a hai lo.