Final-ah Saitual Vs Aizawl

MFA Inter-District Senior Women Football Championship 2023-24 semifnal chu nimin khan Serchhip Sports Complex-ah khelh a ni a, Saitual leh Aizawl ten final an lut.

Saitual hi champion lai an ni a, Lalbiakdiki leh J. Lalparmawii te goal hmangin Kolasib 2-1 in an hneh. Inkhel hnuhnung zawkah Aizawlin Khawzawl 4-0 in an hneh a; Lalrinmuani'n hattrick a siam bakah Cindy Remruatpuii'n a pet goal ve bawk.